ՌԽՖՍՀ ժողովրդական արտիստ Գեորգի Տարատորկինը ծանր հիվանդությունից հետո մահացել է 73 տարեկանում: Այս մասին այսօր հաղորդվել է Մոսսովետի թատրոնի կայքում, որտեղ դերասանն աշխատել է ավելի քան 40 տարի:
Գեորգի Տարատորկինը ծնվել է 1945 թվականի հունվարի 11-ին: 1966 թվականին ավարտել է Լենինգրադի պատանի հանդիսատեսի պետական թատրոնին կից դրամատիկական ստուդիան: 1974 թվականից աշխատել է Մոսսովետի թատրոնում: Կինոյում խաղացել է ավելի քան 30 դեր: Ռուսաստանի թատերական գործիչների միության քարտուղարն էր եւ «Ոսկե դիմակ» ասոցիացիայի նախագահը: