Նորվեգական Funcom մշակողը մի քանի տարվա մեջ առաջին անգամ թողարկել է օնլայն խաղ, որը հիթ է դարձել, հայտնում է Life–ը։

Մինչ այդ Funcom ստուդիան զբաղվել է Age of Conan, The Secret World ու Lego Minifigures Online նախագծերով, որոնք սակայն այնքան էլ եկամտաբեր չեն եղել։ Իսկ ահա Conan Exiles –ի դեպքում պատկերը այլ է։

Funcom-ի տնօրեն Ռույս Քասայսը նշել է, որ ընկերության համար վերջերս հեշտ ժամանակներ չէին, այնպես որ Conan Exiles -ի հաջողությունը շատ կօգնի անձնակազմին։ Մեկ շաբաթում արդեն վաճառվել է խաղի ավելի քան 320 հազար թվային պատճեն։

Ընկերությունը խոստացել է, ո ր մոտ ժամանակներս կթողարկի նաեւ գործիքների հավաքածու, որը թույլ է տալիս ստեղծել օգտատերային մոդիֆիկացիաներ Conan Exiles–ի համար ու դրանք տարածել Steam Workshop հարթակով։

Conan Exiles -ի հաջողության գաղտնիքներից է թերեւս պերսոնաժների շատ մանրակրկիտ մշակման հնարավորությունը, որը թույլ է տալիս փոխել այդ թվում կին ու տղամարդ պերսոնաժների առաջնային սեռական նշանների չափերը։