Ամերիկյան Ford Motor-ը ծրագրում է հաջորդ 5 տարում 1 մլրդ դոլար ներդնել Argo AI նոր ընկերության մեջ, որն զբաղվում է արհեստական ինտելեկտի մշակմամբ, փոխանցում է «Ինտերֆաքս»-ը:
Argo AI-ի ռոբոտատեխնիկները եւ ինժեներները Ford-ի աշխատակիցների հետ ծրագրային նոր հարթակ կմշակեն ամբողջովին ինքնակառավարվող ավտոմեքենայի համար, որը ծրագրել են ներկայացնել 2021 թվականին, նշված է ավտոարտադրողի մամուլի հաղորդագրության մեջ:
Փիթսբուրգում տեղակայված Argo AI-ը հիմնել են Բրայան Սալեսկին (գլխավոր գործադիր տնօրեն) եւ Փիթեր Ռենդերը (գլխավոր օպերացիոն տնօրեն), որոնք նախկինում ինքնակառավարվող ավտոմեքենաներով են զբաղվել Google-ում եւ Uber-ում: Ford-ի բաժնեթղթերի գները ուրբաթ օրվա սակարկությունների արդյունքներով 1,05 տոկոսով աճել են: