Միջազգային հանրությունը պետք է տեղեկացված լինի 2016 թվականի ապրիլին Ադրբեջանի իրականացրած հանցագործությունների մասին: Լրագրողների հետ զրույցում այս մասին հայտարարեց ԼՂՀ նախագահի խորհրդական Էմիլ Բաբայանը:
Նրա խոսքով՝ առայժմ միջազգային օրենսդրության խնդիրների պատճառով ղարաբաղյան կողմը չի կարողացել իր տրամադրության տակ գտնվող ապացույցներն ուղղակի ներկայացնել Մարդու իրավունքների եվրոպական դատարան եւ միջազգային այլ ատյաններ:
«Սակայն վստահ եմ, որ ճշմարտությունն իմանալը հենց ՄԻԵԴ-ի եւ միջազգային հանրության շահերից է բխում»,- ընդգծեց Բաբայանը՝ հավելելով, որ մարդու իրավունքների խախտման յուրաքանչյուր դեպքի մասին բոլոր նյութերն ու փաստաթղթերը պահպանվում են ԼՂՀ-ում:
ԼՂՀ նախագահի խորհրդականը նշել է, որ ղարաբաղյան կողմը փաստերը ներկայացնելու ուղիներ է փնտրում:
