Գյումրի- Երեւան գնացքի ուղեւորներն այսօր` փետրվարի 15-ին, ստիպված վերադարձել են Գյումրի, քանի որ էլեկտրաքարշը դուրս է եկել ռելսերից:
NEWS.am-ի թղթակցին Գյումրիի երկաթուղային կայարանից հայտնեցին, որ բոլոր ուղեւորներին փոխհատուցելու են, մարդիկ հնարավորություն կստանան հաջորդ գնացքով մեկնել Երեւան:
«Մարդիկ հետ են գալիս Գյումրի, որովհետեւ էլեկտրաքարշը գծից հանելու համար բավականին ժամանակ է պետք, որպեսզի մարդիկ չսպասեին, հետ են գալիս Երեւանից Գյումրի եկող գնացքով»,- ասացին կայարանից:
Նշենք, որ գնացքը Գյումրիից շարժվել էր 11,45-ին: