Շփման գծում իրավիճակի պարբերական սրումը վկայում է ԼՂՀ ժողովրդավարական զարգացման դեմ պայքարում Ադրբեջանի անզորության մասին։ Այս մասին ասել է ԼՂՀ նախագահի մամուլի քարտուղար Դավիդ Բաբայանը, NEWS.am -ի թղթակցի խնդրանքով մեկնաբանելով Ադրբեջանի հիստերիկ արձագանքը փետրվարի 20-ին Լեռնային Ղարաբաղում կազմակերպվող հանրաքվեին։
«Ադրբեջանական կողմի արձագանքը պատկերավոր կերպով ցույց է տալիս Բաքվի իրական նպատակները թե ղարաբաղյան կարգավորման հարցում, թե առհասարակ։ Ժողովրդավարական զարգացման հետ դրանք ոչ մի առնչություն չունեն»,- նկատել է Դավիթ Բաբայանը։
Ինչպես հեգնանքով նկատել է Դավիթ Բաբայանը՝ Լեռնային Ղարաբաղում անցկացվող հանրաքվեի կապակցությամբ Ադրբեջանի ԱԳՆ-ին բարդ ու ծավալուն աշխատանք է սպասում՝ «սեւ ցուցակի» ընդլայնման առումով։ «Հանրաքվեն լուսաբանելու համար ԼՂՀ են ժամանելու բազմաթիվ դիտորդներ, լրագրողներ ու փորձագետներ։ Այնպես որ Ադրբեջանի ԱԳՆ-ն ստիպված կլինի շատ չարչարվել»,- նկատեց Բաբայանը։
Միաժամանակ նա նկատեց, որ իրականում ադրբեջանցի տարբեր մակարդակների չինովնիկները հոգու խորքում միայն ուրախ են, որ ԼՂՀ-ում նման միջոցառումներ են անցկացվում։ «Հակահայկական քարոզչության վրա հսկայական միջոցներ են ծախսվում։ Դրանց կեսը հայտնվում է ադրբեջանցի չինովնիկների գրպաններում։ «Մամեդյարովն ու նրա նմանները, կողոպտելով սեփական երկիրը՝ հայերի դեմ պայքարի պատրվակով, հետո անշարժ գույք են գնում որեւէ ժողովրդավարական երկրում»,- նշել է Բաբայանը։