Աստանայում սիրիական զինված ընդդիմության մասնակցությամբ հանդիպում է անցկացվում: Այս մասին ՏԱՍՍ-ին հաղորդել է Ղազախստանի ԱԳՆ մամուլի ծառայության ղեկավար Անուար Ժայնակովը:

Նրա խոսքով՝ Սիրիայի հարցով լիագումար համաժողովից առաջ պատվիրակությունների երկկողմ հանդիպումներ կկայանան:

Սիրիայի հարցով միջազգային հանդիպման մասնակիցները փետրվարի 15-ին Աստանայում խորհրդակցություններ են անցկացրել: Ուշադրության կենտրոնում են եղել հրադադարի պահպանման վերահսկողությունը եւ ամսվա վերջին Ժնեւում միջսիրիական բանակցությունների հեռանկարները: Ղազախստանի մայրաքաղաքում աշխատում են հրադադարի երաշխավոր երկրների՝ Ռուսաստանի, Իրանի եւ Թուրքիայի, ինչպես նաեւ Հորդանանի, ԱՄՆ-ի եւ ՄԱԿ-ի ներկայացուցիչները, պաշտոնական Դամասկոսի եւ զինված ընդդիմության պատվիրակությունները: