Անհայտ տղամարդը հրաձգություն է իրականացրել ԱՄՆ Չիկագո քաղաքի բնակարաններից մեկում։ Երեք մարդ է զոհվել, երկուսը՝ վիրավորվել, հաղորդում է Associated Press-ը։ Միջադեպը տեղի է ունեցել Brighton Park շրջանում։ Հրաձգության ժամանակ տեղում զոհվել են երկուսը, եւս մեկը վախճանվել է հիվանդանոցում։ Տուժածները հոսպիտալացվել են, նրանց դրություն կրիտիկական է գնահատվում։ Զոհվածներն ու վիրավորները հիմնականում 18-19-ամյա երիտասարդներ են։
Իշխանությունները պարզաբանում են միջադեպի հանգամանքները։ Նախնական տվյալներով՝ անհայտ տղամարդը մտել է բնակարան, որտեղ գտնվել են տուժողներն ու սկսել կրակել։