NASA-ն հայտարարել է տիեզերագնացների համար «զուգարան» ստեղծելու նպատակով Space Poop Challenge մրցույթի հաղթողներին:
Մասնակիցները պետք է ստեղծեին համակարգ, որը կկարողանա 6 օրվա ընթացքում ուտիլիզացնել մեզն ու կղանքը, հաղորդում է «Միր 24» հեռուստաալիքը։
Այժմ սկաֆանդրներում տակդիրներ են գործածվում, սակայն դրանք նախատեսված են մեկ օրվա համար։
Նոր համակարգը պետք է նախատեսված լինի մեկ լիտր մեզի, 75 գրամ կղանքի եւ 80 միլիլիտր դաշտանային արտազատումների համար, որոնք մարդը կարտազատի մեկ օրում։ Համակարգը պետք է գործի 114 ժամ։
Հաղթողը ռազմաօդային ուժերի սպա, ռազմական վիրաբույժ Թեթչեր Քարդոնն է։ Նա 15 հազար դոլար կստանա։ Երկրորդ եւ երրորդ տեղերում հայտնվածները կստանան յուրաքանչյուրը 5 հազարական դոլար։