Ապրիլի 2-ի խորհրդարանական ընտրություններին տարածքային ցուցակով մասնակցելու ամենաշատ թեկնածու առաջադրվել է Հայաստանի Կոտայքի մարզում: Այս մասին այսօր` փետրվարի 17-ին, լրագրողների հետ հանդիպմանն ասաց Կենտրոնական ընտրական հանձնաժողովի նախագահ Տիգրան Մուկուչյանը: Նա նշեց, որ Կոտայքի մարզում տարածքային ցուցակով առաջադրվել է 110 քաղաքացի: Իսկ ամենաքիչ թեկնածուներն առաջադրվել են Արարատի եւ Տավուշի մարզերում` յուրաքանչյուրում 60 թեկնածու (ֆոտոռեպորտաժ):
Նա նշեց, որ Կենտրոնական ընտրական հանձնաժողով ապրիլի 2-ի խորհրդարանական ընտրություններին մասնակցության հայտ է ներկայացրել 9-ը քաղաքական ուժ` 4 դաշինք եւ 5 կուսակցություն:
Հայաստանի Ազգային ժողովի ընտրությունները տեղի կունենան ապրիլի 2-ին, քարոզարշավը կմեկնարկի մարտի 5-ից: