Վաշինգթոնի ազգային կենդանաբանական այգում ծնված Բաո Բաո անունով պանդան փետրվարի 21-ին կուղարկվի Չինաստան: Այս կապակցությամբ այգին միջոցառում է անցկացնում նրան հրաժեշտ տալու համար, փոխանցում է «Սինհուա»-ն:
Բաո Բաոն ծնվել է 2013-ի օգոստոսի 23-ին: Նրա ծնողներն են Չինաստանից ԱՄՆ արտագաղթած Տյան Տյան եւ Մեյ Սյան պանդաները:
Չինաստանի եւ արտասահմանյան երկրների միջեւ կնքված համաձայնագրերով մեծ պանդաների ձագերը, որոնք այդ երկրներին են հանձնվում ժամանակավորապես պահելու համար, որոշակի ժամանակից հետո պետք է վերադարձվեն Չինաստանին:
