Կաշառք մեկը տալիս է, մեկը վերցնում: Այսօր` փետրվարի 17-ին, լրագրողների հետ զրույցում անդրադառնալով տեղեկություններին, թե արդեն իսկ սկսել են ընտրակաշառք բաժանել, թաղամասերում «ռազբորկաներ» են սկսվել, այսպես արձագանքեց Կառավարության աշխատակազմի ղեկավար-նախարար Դավիթ Հարությունյանը:
«Այս խոսակցությունները միշտ կարող են լինել, ամեն ինչի մասին կարելի է խոսել: Երբ երկու հոգի միմյանց հետ մտնում են հանցավոր համագործակցության մեջ, առնվազն նրանցից մեկը պետք է ահազանգի: Ինչքան էլ ոստիկանությունն ուշադիր լինի, չի կարող ներխուժել երկու անձանց հարաբերությունների, եթե որեւէ մեկը դրա մասին չի ահազանգել: Մենք օրենսդրորեն մտցրինք ներում այն անձի նկատմամբ, որն ընտրակաշառք վերցնողն է եղել: Այդ անձն ազատվում է քրեական պատասխանատվությունից, եթե ինքն է աջակցում բացահայտմանը»,- ասաց Դավիթ Հարությունյանը:
Նա հորդորեց նման դեպքերում անպայման դիմել ոստիկանություն:
