Տարածքային ընտրատեղամասերում ընտրությունները չեն հանգեցնի ներկուսակցական խժդժությունների: Փետրվարի 17-ին լրագրողների հետ հանդիպմանն այս մասին հայտարարեց իշխող ՀՀԿ-ից պատգամավոր Գագիկ Մինասյանը:
Նա հիշեցրեց, որ կուսակցության տարածքային ընտրացուցակներով իսկապես ավելի մեծ թվով թեկնածուներ են առաջադրվում եւ, բնականաբար, բոլորը չեն կարողանա խորհրդարանում հայտնվել: Դա արվել է, որպեսզի ընտրողները կարողանան թեկնածուների ընտրել ոչ միայն կուսակցությունների միջեւ, այլեւ կուսակցությունների ներսում:
«Բայց թեկնածուները միմյանց չեն բախվի: Խորհրդարանում հայտնեվլոու համար մրցակիցները պետք է մրցակիցներից առաջ անցնեն ոչ միայն միայնակ, այլեւ ամբողջ կուսակցությամբ: Այդ պատճառով եթե անգամ ինչ-որ մեկը շատ ձայն հավաքի, բայց նրա կուսակցությունը պարտվի, նա խորհրդարան չի մտնի: Եվ թեկնածուները շահագրգռված կլինեն մրցել ոչ միայն միմյանց հետ, այլեւ միասին՝ մնացյալների դեմ»,- նշեց Մինասյանը:
