Սիրիայի հարցով բանակցությունների հերթական փուլն Աստանայում կկայանա մարտին: Ըստ ՌԻԱ Նովոստիի՝ այս մասին հայտարարել է Իրանի ԱԳ փոխնախարար Հոսեյն Ջաբերի Անսարին:
«Նախնական համաձայնությամբ, որը վերջնականապես կձեւակերպվի դիվանագիտական խորհրդակցությունների ընթացքում, սիրիական կառավարության եւ ընդդիմադիր խմբավորումների միջեւ բանակցությունների հաջորդ փուլը Ղազախստանի մայրաքաղաքում կկայանա շուրջ մեկ ամսից»,- ասել է իրանական պատվիրակության ղեկավարը:
Ավելի վաղ հաղորդվել էր, որ Ռուսաստանը, Իրանն ու Թուրքիան որոշել են միավորված խումբ ստեղծել՝ որպես Սիրիայում հրադադարի պահպանման եռակողմ մեխանիզմի մաս: