Այսօր ցերեկը «Ռիգա» միջազգային օդանավակայանում ավիաընկերության չարթերային չվերթի օդանավի հետ միջադեպ է տեղի ունեցել։ Օդանավում «Լադա» թիմի 43 հոկեիստներին էին ու անձնակազմի յոթ անդամները։ mixnews.lv -ի փոխանցմամբ, օդանավը սահել ու դուրս է եկել թռիչքուղուց։
«Վախենալ չհասցրեցինք, ամեն ինչ շատ արագ տեղի ունեցավ,- պատմել է թիմի դարպասապահ Էդգարս Մասալսկին,- Սահեցինք թռիչքուղուց, մի քիչ անցանք խոտի վրայով, ու կանգ առանք։ Հետո օդաչուն խնդրեց, որ մեր տեղերում մնանք։ Հիմա մեզ տանում են հյուրանոց, որտեղ մեզ կսպասի մեկ այլ օդանավ, քանի որ մենք Ուֆայում խաղ ունենք ծրագրված։
Տուժածներ չկան։ Օդանավակայան է ուղեւորվել շտապ օգնության մի քանի բրիգադ, սակայն ուղեւորներից ոչ մեկին բժիշկ պետք չի եկել, նշում են լատվիական լրատվամիջոցները։
