Ամերիկյան բանտում մահացել է 1993 թվականին Նյու Յորքում Առեւտրի համաշխարհային կենտրոնի վրա հարձակման համար դատապարտված Օմար Աբդել Ռահմանը: Այս մասին գրում է Reuters-ը՝ վկայակոչելով նրա որդի Ամմարին:
1993 թվականի փետրվարի 23-ին Նյու Յորքի Առեւտրի համաշխարհային կենտրոնի հյուսիսային աշտարակի ստորգետնյա ավտոկայանատեղիում ականապատ բեռնատար էր պայթել: Ահաբեկիչները ծրագրել էին պայթեցնել հյուսիսային աշտարակը, որը պետք է ընկներ հարավայինի վրա՝ կործանելով երկվորյակ-աշտարակները, իսկ արդյունքում հազարավոր մարդիկ պետք է զոհվեին:
Աշտարակը չկործանվեց, սակայն ահաբեկչության հետեւանքով 6 մարդ զոհվել, ավելի քան 1000 մարդ վիրավորվեց: Ահաբեկիչների ղեկավար Օմար Աբդել Ռահմանն ԱՄՆ-ում ցմահ ազատազրկման դատապարտվեց: