Բեռլինալեի գլխավոր մրցանակը՝ «Ոսկե արջը», ստացել է հունգարացի ռեժիսոր Իլդիկո Էնյեդիի «Մարմնի եւ հոգու մասին» ֆիլմը: Այն սպանդանոցի երկու աշխատակցի եւ մարդու կյանք հրաշքի հայտնվելու մասին է:
«Մենք ուզում ենք այնպիսի պարզ ֆիլմ ստանալ, ինչպիսին մի բաժակ ջուրն է: Մենք հավատում էինք ֆիլմի ասելիքին, բայց վստահ չէինք, որ լսարանը կմիանա մեզ»,- ասել է ռեժիսորը:
DW-ի փոխանցմամբ՝ լավագույն ռեժիսորական աշխատանքի համար «Արծաթե արջ» է ստացել ֆինն ռեժիսոր Ակի Կաուրիսմյակին՝ «Հույսի մյուս կողմում» ֆիլմի համար:
Ժյուրիի Գրան-պրիին արժանացել է ծագումով Սենեգալից ֆրանսիացի ռեժիսոր Ալեն Գոմիսը՝ «Ֆելիսիտե» ֆիլմի համար: