Իրաքյան Մասուլ քաղաքում ԻՊ-ի զինյալների դեմ մարտական գործողության մեկնարկից ի վեր ավելի քան 217 հազար մարդ է լքել իր տները: Այս մասին ասված է ՄԱԿ-ի մարդասիրական հարցերի համակարգման վարչության իրաքյան գրասենյակի հաղորդագրությունում:
Ըստ ՌԻԱ Նովոստիի՝ հոկտեմբերի 17-ից 217 հազար մոսուլցի հարկադիր տեղահանված է դարձել: Նրանցից 57 հազարը կարողացել է վերադառնալ: Միաժամանակ, մարտական գործողությունների ժամանակ քաղաքում շուրջ 550 հազար խաղաղ բնակիչ է մնացել:
Մոսուլի արեւելյան շրջանների ազատագրումից հետ մարդասիրական կազմակերպությունները սկսել են ակտիվորեն օգնություն տրամադրել տեղի բնակիչներին: Ընդհանուր առմամբ, անցյալ տարվա հոկտեմբերից 878 հազար մարդ մարդասիրական օգնություն է ստացել:
Փետրվարի 19-ին Մոսուլի ազատագրման գործողության մեկնարկից հետո մարդասիրական կազմակերպությունները քաղաքի արեւելյան շրջանների 750-800 հազար խաղաղ բնակչի անվտանգության հետ կապված մտավախություն ունեն:
Սակայն սկզբում մարտական գործողությունները լուրջ հետեւանքներ չեն ունենա, քանի որ զինվորները տեղաշարժվելու են քիչ բնակեցված շրջաններով: