Մենք ծրագրեր գրելու տիեզերական վարպետներ ենք դարձել, որոնք չենք իրականացնում: Այս մասին, այսօր՝ փետրվարի 20-ին, լրագրողների հետ հանդիպման ժամանակ նշել է «Ծառուկյան» դաշինքի համամասնական ցուցակի 4-րդ հորիզոնականը զբաղեցնող, տնտեսագետ Վարդան Բոստանջյանը:
«Եթե նախկին տարիների ծրագրերը բացեք նայեք, նկարագրվում է «արեւի քաղաքը», այսինքն ապագայում հրաշքների մեջ ենք թեւածելու, բայց իրականում տեսնում ենք, որ 25 տարի դա տեղի չի ունենում»,-ասաց նա:
Անդրադառնալով դիտարկմանը, որ ամեն տարի նույն ծրագրերն են ներկայացվում տարբեր ուժերի կողմից, Բոստանջյանը ասաց. «Այդ քայլերը ոչ մեկի կողմից չի «բստրվում», դրանք այնքան ակնհայտ են, որ բոլորը տեսնում են: Ասում են՝ նոր վարչապետը, հին վարչապետը, բայց կարեւորն ասելը չի, այլ անելը: Իսկ ԲՀԿ-ն ինչ ասել է, կենսագործել է: Դրա համար մեր առաջնորդը արտակարգ ծրագրեր չի առաջադրում, պարզապես գործ է անում»: