Միջազգային հանրությունը փաստացի ճանաչում է Լեռնային Ղարաբաղում անցկացվող հանրաքվեն: Փետրվարի 20-ին լրագրողների հետ զրույցում այս մասին հայտարարել է ԼՂՀ նախագահի մամուլի քարտուղար Դավիթ Բաբայանը:
«ԵԱՀԿ Մինսկի խմբի համանախագահների հայտարարությունում նշվում է, որ հանրաքվեի արդյունքները չեն ճանաչում իրավաբանական կարգավիճակի փոփոխության տեսանկյունից: Դա իսկապես այդպես է: Հանրաքվեն կարգավիճակում փոփոխություններ չի ենթադրում, քանի որ արցախցին 1991 թվականի սեպտեմբերի 2-ին հռչակեց Լեռնային Ղարաբաղի Հանրապետությունը, իսկ նույն տարվա դեկտեմբերի 10-ին վերահաստատեց որոշումը:
Սակայն նույն հայտարարությունում ավելի կարեւոր է դրույթը, որտեղ նշվում է, որ հանրաքվեն կոչված է կարգավորել ներքին կյանքը: Փաստորեն՝ միջազգային հանրությունը ճանաչում եւ ողջունում է հանրաքվեի անցկացումը, ավելին, որ այն անցկացվում է ժողովրդավարական բոլոր պահանջներին համապատասխան»,- նշել է Դավիթ Բաբայանը: