Գերմանիայի իշխանությունները մտադիր են ընդլայնել իրենց լիազորությունները՝ ներգաղթյալների բջջային կապի տվյալները ստուգելու հետ կապված, հաղորդում է Suddeutsche Zeitung պարբերականը։ Նշվում է, որ այդ տվյալները ծրագրվում է օգտագործել այն քաղաքացիների անձը ավելի հստակորեն պարզելու համար, որոնք Գերմանիայում ապաստան են խնդրում։

Մի շարք աղբյուրներ հղում են անում նաեւ Գերմանիայի ՆԳՆ-ի օրինագծին՝ ուղղված այն ներգաղթյալների շուտափույթ արտաքսմանը, որոնց երկրում մնալու իրավունքը մերժվել է։ Լրատվամիջոցները գրում են, որ փաստաթուղթը դեռեւս վերջնականապես հաստատված չէ գերատեսչության կողմից։