2012-2016-ին զինամթերքների շուկայի ծավալը ընդլայնվել է 8,4 տոկոսով՝ ի տարբերություն նախորդ հինգամյա շրջանի։ Ընդհանուր առմամբ, զենքի վաճառքը հասել է ամենամեծ ծավալների՝ սառը պատերազմի ավարտից ի վեր։ Այս մասին ասվում է Աշխարհի խնդիրների ուսումնասիրության ինստիտուտի (SIPRI) հաշվետվությունում։
Ըստ հետազոտողների՝ աշխարհում զենքի հինգ ամենախոշոր արտահանողներն են ԱՄՆ-ը, Ռուսաստանը, Չինաստանը, Ֆրանսիան ու Գերմանիան։ Այս հինգ պետությունները միասին պատասխանատու են զենքի միջազգային մատակարարումների 74 տոկոսի համար։ Զինամթերքը հիմնականում իրացվում է Ասիայի եւ Օվկեանիայի ինչպես նաեւ Մերձավոր եւ Միջին Արեւելքի երկրներում։ Աշխարհում խոշորագույն զենք ներկրողներն են Հնդկաստանն ու Սաուդյան Արաբիան։
Զենք վաճառելու համաշխարհային առաջնորդը նախկինի պես ԱՄՆ-ն է։ Նրա շուկայական մասնաբաժինը կազմում է 33 տոկոս։
Երկրորդ տեղում Ռուսաստանն է՝ 23 տոկոս շուկայական մասնաբաժնով, երրորդ տեղում՝ Չինաստանը՝ 6,2% մասնաբաժնով։ Ֆրանսիային ու Գերմանիային բաժին է ընկնում 6 եւ 5,6 տոկոս՝ համապատասխանաբար։
Կտրուկ տարբերվում են ղարաբաղյան հակամարտության մասնակիցների կողմից սպառազինության ներկրման ցուցանիշները, որի սկիզբը պաշտոնապես համարվում է 1988 թվականի փետրվարի 20-ը: Ադրբեջանն այդ հինգ տարիների ընթացքում Հայաստանից 20 անգամ ավելի շատ զենք է գնել: