Պարենամթերքի անբավարարության պատճառով Հարավային Սուդանի որոշ շրջաններում տիրող իրավիճակը կարելի է պաշտոնապես սով որակել: AFP-ի փոխանցմամբ՝ այս մասին հայտարարել է երկրի վիճակագրական բյուրոյի ղեկավար Իսայա Չոլ Արուաին:
Ըստ ՌԻԱ Նովոստիի՝ սուդանցի պաշտոնյան հայտնել է, որ առավել վատ է վիճակը երկրի հյուսիսային Վահդա (Յունիթի) նահանգում:
2013 թվականից Հարավային Սուդանը քաղաքացիական պատերազմի մեջ է՝ նախագահ Սալվա Կիիրի գլխավորած իշխանության եւ ընդդիմության միջեւ: Ավելի քան երկու միլիոն մարդ հարկադիր տեղահանության է ենթարկվել, ՄԱԿ-ի նախկին գլխավոր քարտուղարը մտահոգություն է հայտնել հնարավոր ցեղասպանության շուրջ:
