Պոլսո հայոց պատրիարքարանը հայտարարություն է տարածել՝ հաստատելով, որ Պոլսո փոխպատրիարք արք. Աթեշյանն ու Հոգեւոր խորհրդի առաջնորդ, եպիսկոպոս Սահակ Մաշալյանը մոտակա օրերին Էջմիածին են մեկնելու։
Պոլսո հայոց պատրիարքարանի տարածած հայտարության մեջ նշվել է, որ Պոլսո հայոց պատրիարքարանն ինքնավար կառույց է եւ դրսից չեն կարող այն ուղղորդել։
Հայտարարության մեջ հաստատվել է, որ Ամենայն հայոց կաթողիկոս Գարեգին 2–րդի հրավերով մոտակա օրերին Էջմիածին են մեկնելու։
Նշվել է, որ Էջմիածնից վերադառնալուց հետո Պոլսո հայոց պատրիարքարի գլխավորությամբ հանձնաժողով է կազմվելու, որը պատրիարքի ընտրությունների համար նախատեսված դիմումը Ստամբուլի նահանգապետի միջնորդությամբ փոխանցելու են իշխանություններին:
Հիշեցնենք, որ օրեր առաջ եպիսկոպոս Մաշալյանը հրաժարակն հայտնելու մասին գրավոր հայտարարություն էր տարածել՝ շեշտելով, որ այդ քայլին գնացել է Պոլսո հայոց պատրիարքական տեղապահ արք․ Արամ Աթեշյանի պահվածքի պատճառով, քանի որ վերջինս ամեն կերպ խոչընդոտում է պատրիարքի ընտրություններ անցկացնելը։
Այնուհետ հանդիպում են անցկացրել Սուրբ Փրկիչ հիվանդանոցի հոգաբարձուների խորհրդի նախագահ Պետրոս Շիրինօղլուն, Մելքոն Քարաքոսեն, Վազգեն Բարընը, փոխպատրիարք արք․ Արամ Աթեշյանն ու եպիսկոպոս Սահակ Մաշալյանը։ Հանդիպման վերջում արձանագրություն են ստորագրել։
«Մինչ ընտրությունները արք․ Արամ սրբազանը շարունակելու է լինել փոխպատրիարք։ Ընտրության օրը ենթադրաբար կլինի մայիսի 28-ին»-նշվել էր արձանագրության մեջ։