Ավստրալական Նոր Հարավային Ուելսի ռեստորաններից մեկի մատուցողուհի Սամիա Լիլան սոցցանցերի աստղ է դարձել՝ պոչից բռնած վարանին հաստատությունից դուրս բերելուց հետո: Այս մասին գրում է ՌԻԱ Նովոստին՝ վկայակոչելով Bega District News-ը:
Ռեստորանի այցելուները նկատել են սողացող հսկայական մողեսին, իսկ հետո սողունը մտել է սեղաններից մեկի տակ:
«Ես նայեցի եւ նախ մտածեցի, որ շուն է: Բայց հետո հասկացա, որ վարան է»,- պատմել է Սամիա Լիլան:
Աղջիկն առանց շփոթվելու բռնել է սողունի պոչից եւ դուրս բերել ռեստորանից: Մինչդեռ այցելուներից մեկը վախից աթոռի վրա է բարձրացել:
«Ամենեւին չվախեցա, ես սիրում եմ սողուններին...»,- ասել է Սամիան: