Երկուշաբթի երեկոյան, խմբակային սելֆի անելիս, վեց դեռահաս ընկել է լճի սառույցի տակ Նյու Յորքի Կենտրոնական այգում։ Հակահրդեհային վերահսկողության ծառայությունը տեղեկացրել է, որ նրանց հոսպիտալացրել են «ցրտահարություն» ախտորոշմամբ, հաղորդում է ՏԱՍՍ–ը։

«Երեխաները խաղում էին։ Մի մասը զգուշացնում էր, որ դա վտանգավոր է, մյուսները շարունակում էին իրենցը պնդել։ Արդյունքում նրանք բոլորը միասին հավաքվեցին (սառույցի վրա) եւ որոշեցին սելֆի անել։ Սառույցը ճեղքվեց, եւ նրանք բոլորն ընկան ջրի մեջ», – New York Post–ին պատմել է Պարագվայից ԱՄՆ եկած 15–ամյա Մայա Ռամիրեսը։

«Ես կարծում եմ, որ մեզ հետ պատահածից հետո պետք է բնակիչներին հիշեցնի այն մասին, որ սառույցի վրա խաղալը ամենալավ գաղափարը չէ։ Երեխաների հետ ամեն ինչ կարգին է։ Նրանց մոտ օրգանիզմի թեթեւ ցրտահարություն է», – նշեց ծառայության պետի տեղակալ Ջոն Սքոֆը։

Նրա խոսքով, պատահարը  տեղի է ունեցել երեկոյան մոտ ժամը վեցին՝ Կենտրոնական այգում տեղակայված լճի մոտ, 5–րդ պողոտայի եւ 59–րդ փողոցի հատման տարածքում։ Ականատեսների վկայությամբ, խոսքը 10-ից 15 տարեկան երեխաների խմբի մասին է։ Երկուշաբթի օրը Նյու Յորքում օդի ջերմաստիճանը բարձրացել էր 11 աստիճանով։ Խորտակվողներին օգնության են նետվել նրանցից մի փոքր մեծ երկու այլ դեռահասներ, որոնց եւս հարկ է եղել փրկել։

ԱՄՆ–ում փրկարարների գործառույթ իրականացնող հրդեհայինների տվյալներով, լճի ջուրը, չնայած կարճատեւ տաքացմանը, սառցակալած է եղել։ Այն մասում, որտեղ երեխաները ընկել են սառույցի տակ, խորությունը գերազանցել է 5 մետրը։