Սաիֆ ալ Իսլամի ու Մուամար Քադաֆիի ռեժիմի ևս 36 ներկայացուցիչների գործով դատական լսումները չեն համապատասխանում միջազգային չափանիշներին։ Այս մասին ասվում է ՄԱԿ առաքելության զեկույցում։

Փաստաթղթում շեշտվում է, որ այդ գործընթացը իրենից ներկայացնում էր  լուրջ հանցագործությունների համար մեղավորներին պատասխանատվության կանչելու լուրջ փորձ, մինչդեռ դատական լսումները անցել են նորմերի կոպտագույն խախտումներով, հայտնում է ՄԱԿ-ի ռադիոն։

Հիշեցնենք, որ Տրիպոլիում դատարանը Մուամար Քադաֆիի որդուն՝ Սաիֆ ալ Իսլամ Քադաֆիին հեռակա դատապարտել է մահապատժի։ Լրատվամիջոցների տվյալներով, նա գտնվում է բանտում, Զինտանեում։ ՄԱԿ-ում շեշտում են, որ Սաիֆ ալ Իսլամ Քադաֆին պետք է փոխանցվի Միջազգային քրեական դատարան՝ Լիբիայի միջազգային պարտավորություններին համաձայն։