Sotheby's-ն աճուրդի է հանել բռնցքամարտիկ Մայք Թայսոնին պատկանած Ferrari F50 ավտոմեքենան: Այս մասին գրում է Lenta-ն:
Աճուրդը կկայանա մարտի 11-ին, ամերիկյան Ֆլորիդա նահանգի Ամիլիա կղզում: 1995 թվականին արտադրված մեքենան շուրջ 8.5 հազար կմ ճանապարհ է անցել: Այն 2.2-2.4 մլն դոլար են գնահատել:
Ավտոմեքենան 520 ձիաուժ հզորությամբ 4.7 լիտր ծավալով V12 շարժիչ ունի: Ընդհանուր առմամբ, 349 նման մեքենա է թողարկվել, որոնցից 50-ը՝ ամերիկյան շուկայի համար:
Թայսոնը մեքենան գնել է 1995 թվականին, մի քանի տարի անց վաճառել Սիեթլից IT-գործարար Քեւին Մարկուսին: