ՌԴ արտաքին գործերի նախարար Սերգեյ Լավրովը հաստատել է փետրվարի 23-Ին Ժնեւում Սիրիայի շուրջ բանակցությունների սկիզբը, հաղորդում է RIA Novosti-ն։
«Փետրվարի 23-ին Ժնեւում՝ այդ թվում, ինչպես ես ասացի, Աստանայում հանդիպումներից հղված ազդակների շնորհիվ, վերսկսվում են ՄԱԿ-ի հովանու ներքո բանակցությունները»,- հայտարարել է Լավրովը՝ ամփոփելով ՀՀ ԱԳՆ ղեկավար Էդվարդ Նալբանդյանի հետ բանակցությունները։
«Ես կարծում եմ, ընդհանուր առմամբ մենք ապահովել ենք ընդունելի մոտեցում մասնակիցների կազմին, այնտեղ կներկայացվեն խմբեր, որոնք ժամանակին ձեւավորվել են Կահիրեի, Մոսկվայի եւ Էր-Ռիադի հանդիպումների ժամանակ եւ կներկայացվեն զինված ընդդիմության ջոկատները, որոնք մասնակցել են Աստանայի հարթակի հանդիպումներին եւ որոնք ստորագրել են հրադադարի մասին համաձայնագիրը Սիրիայի կառավարության հետ », - հայտնել է Լավրովը։
