Տավուշի մարզում ընտրական «ավանդույթը» չի փոխվել։ Հանրապետական կուսակցությունից այս ընտրական տարածքում պատգամավորի մանդատի համար կրկին կպայքարեն Աժ պատգամավոր, «Կիլիկիա» գարեջրի գործարանի սեփականատեր Հակոբ Հակոբյանը եւ «Գրանդ հոլդինգի» առաջադրած թեկնածուն։ NEWS.am–ին հայտնի է դարձել, որ «Գրադ հոլդինգի» սեփականատեր Վարդանյաններն առաջադրել են Գրիգոր Ավալյանին, ով իրենց ձեռնարկություններից մեկում է աշխատում։ Նախորդ ընտրություններում այս տարածքում առաջադրվել էին Հակոբ Հակոբյանը եւ «Գրանդ հոլդինգ»–ից Մարինե Մարաբյանը, երկու թեկնածուներն էլ ընտրվեցին մեծամասնական ընտրակարգով։ Մարինե Մարաբյանը ԱԺ ամենապասիվ պատգամավորներից մեկն էր։
ՀՀԿ–ում համարում են, որ Տավուշի ընտրական տարածքում ընտրապայքարը այս երկու թեկնածուի միջեւ է ընթանալու եւ չի բացառվում, որ այս երկու թեկնածուն էլ հայտնվեն հաջորդ խորհրդարանում։
