Cadillac ընկերությունը տարածել է տեղեկություն նոր սերնդի CUE մուլտիմեդիա համալիրի մասին, որը ներկայացվելու է 2017 մոդելային տարվա CTS սեդանի հետ միասին։ Մուլտիմեդիա համակարգի առանձնահատկություններից է լինելու առանձին պրոֆիլմերի ստեղծման հնարավորությունը, որոնց օգնությամբ մեքենան հիշելու է վարորդների նախընտրած կարգավորումները տարբեր համակարգերի համար, գրում է Motor–ը։
«Քադիլակի» վարորդներն իրենց պրոֆիլում կկարողանան պահպանել օրինակ սիրելի ռադիոկայանների ցանկը, երթուղիները ու մուլտիմեդիա համալիրի դիսփլեյի որոշակի կոնֆիգուրացիաներ։ Հետագայում այդ բոլոր կարգավորումներով պրոֆիլը հնարավոր կլինի ակտիվացնել ապրանքանիշի ցանկացած նոր մեքենայում։