Հայրենի հողի պաշտպանությունը բանակում ու նավատորմում միշտ էլ սրբազան պարտականությունէ համարվել։ Իսկ նրանք, ովքեր իրենց նվիրել են ծառայությանը, ում համար հայրենիքի ինքնիշխանության ապահովումն ու պաշտպանությունը դարձել են կյանքի իմաստ, միշտ էլ հատուկ հարգանք են վայելել թե Ռուսաստանում, թե Հայաստանում։ Այս մասին փետրվարի 22-ին հայտնել է պաշտպանության նախարար ՎԻգեն Սարգսյանը՝ ելույթ ունենալով Հայաստանում Ռուսաստանի դեսպանատանը կազմակերպված հանդիսավոր ընդունելության ժամանակ՝ Հայրենիքի պաշտպանի օրվա նախօրեին։

Անդրադառնալով գալիք տոնին, նա նշել է, որ Հայաստանում այս օրը պետական տոն չէ, Ազգային բանակի օրը նշվում է հունվարի 28-ին: Այնուամենայնիվ, Հայաստանի բնակիչները ավանդաբար նշում են նաեւ փետրվարի 23-ը, շնորհավորում են տղամարդկանց եւ ծաղիկներ դնում ռազմական հուշակոթողներին: Խոսելով ռուս- հայկական ռազմական համագործակցության մասին՝ Սարգսյանը նշել է «Հայաստանի տարածքում է գտնվում ռուսական ռազմակայանը, որի անձնակազմը բազմիցս ապացուցել է իր բարեխիղճ վերաբերմունքը իր առջեւ դրված խնդիրների կատարմանը ու բարձր մարտունակությունը։ Մենք զորքերի համատեղ կիրառման օպերատիվ պլանավորում ենք իրականացնում՝ հանուն  ընդհանուր անվտանգության ապահովման, իսկ ռուսական ռազմական բազայի ՀՕՊ ու ավիացիայի ստորաբաժանումները՝ Հայաստանի ԶՈՒ հետ համատեղ հաջողության իրականացնում են մարտական հերթապահություն, լուծելով մեր օդային սահմանների անվտանգության ապահովման կարեւորագույն խնդիրներից մեկը։ Վստահ եմ, որ անվտանգության ապահովման ոլորտում մեր սերտ համագործակցությունն այսուհետ էլ ամուր ու արդյունավետ կլինի»։ Վիգեն Սարգսյանը նաեւ շնորհավորել է ռուս սահմանապահներին, որոնք ծառայություն են իրականացնում հայ- թուրքական սահմանին։