Եվրասիական տնտեսական միության դատարանը վճռել է, որ Բելառուսն ամբողջական ծավալով չի կատարում ԵՏՄ-ի մասին Պայմանագրի դրույթները՝ ապրանքների ազատ տեղաշարժի եւ Մաքսային միության գործառնության ապահովման առումով: Այս մասին ասված է դատարանի պաշտոնական կայքում հրապարակված վճռում:
Դատարանի կոլեգիան որոշել է Ռուսաստանի հայցը բավարարել մասամբ, հաստատել Բելառուսի կողմից 2014 թվականի մայիսի 29-ին կնքված Եվրասիական տնտեսական միության մասին Պայմանագրի 1, 3, 4, 25 հոդվածների դրույթներն ամբողջությամբ չկատարելու փաստը՝ ապրանքների ազատ տեղաշարժի, Մաքսային միության գործառնության ապահովման առումով: