Կառավարությունը կօգնի 350 աշխատատեղերի ստեղծման 8 նոր ներդրումային ծրագրերի իրականացմանը: Այս մասին որոշումներն ընդունվել են կառավարության փետրվարի 23-ի նիստի ժամանակ:
3 ընկերություններ կստանան ներմուծման տուրքի վճարման հետաձգումներ, 4-ը՝ սահմանին ԱԱՀ-ի վճարման, եւս մեկ ընկերություն կդառնա «Ալյանս» ազատ տնտեսական գոտու ռեզիդենտ եւ կազատվի հիմնական հարկերից:
Այս ծրագրերով ներդրումների ընդհանուր ծավալը մոտ 7 մլրդ դրամ է (մոտ 14 մլն դոլար): Նախագծերը վերաբերում են արեւային վահանակներին, տեղեկատվական տեխնոլոգիաներին, գինեգործությանը, ծխախոտագործությանը, մեղվաբուծությանը, դեղագործությանը: Արտադրությունները կհիմնվեն Երեւանում, նաեւ Շիրակի, Արագածոտնի եւ Սյունիքի մարզերում: