Հայաստանի տնտեսության մեջ ներդրումներ անողներին նախընտրական քարոզչությունը չի խանգարում ու նրանց համար ոչ մի բարդություն չի ստեղծում։ Այս մասին Կառավարության փետրվարի 23-ի նիստից հետո լրագրողներին հայտնել է տնտեսական զարգացման ու ներդրումների նախարար Սուրեն Կարայանը։

Այն հարցին, արդյոք ինքն էլ է ներգրավված ՀՀԿ-ի օգտին քարոզչությանը, Կարայանը պատասխանել է «Մեր աշխատանքը հօգուտ երկրի է։ Մեր աշխատանքների արդյունքը ակնկալվող նոր ներդրումներ են։ Միայն այս նիստի ժամանակ մենք հաստատեցինք արտոնություններ 8 ներդրողների համար, որոնք ուզում են 350 աշխատատեղ ստեղծել»»։

Հիշեցնենք, որ ապրիլի 2-ին Հայաստանում խորհրդարանական ընտրություններ են անցկացվելու։