Արցախի պաշտպանության բանակի մամուլի խոսնակ Սենոր Հասրաթյանը հերքում է ադրբեջանական լրատվամիջոցների տեղեկությունները, թե իբր հայկական կողմը շփման գծում «ուժեր է վերախմբավորում, ինչպես նաեւ հրետանային համակարգերի եւ խոշոր տրամաչափի տեխնիկական այլ միջոցներ կենտրոնացնում»:
«Ռազմական արտահայտությամբ բանակի «աչք ու ականջ» համարվող հետախուզության կողմից հայթայթված եւ սեփական նախարարին տրամադրված «հույժ կարեւորության» այս տեղեկությունն էլ Հասանովին ու իր ենթակա շտաբին «հիմք է տվել կռահելու, որ թշնամին նպատակ է հետապնդում լարվածությունն ուժեղացնել»: Եզրակացություն. այս անգլուխ խեղկատակների կողմից շրջանառության մեջ դրված ապատեղեկատվությունից կարելի է հետեւություն անել, որ հենց ադրբեջանական կողմն է նախապատրաստվում հերթական սադրիչ գործողության: Բայց թե ինչ արդյունք կունենա այն, պատասխանը թողնենք բոլոր նրանց, ովքեր ապրում են սուլթանապետությունում, սակայն երբեւէ չեն օգտվում սուլթանավայել ապրելու իրավունքից»,- իր ֆեյսբուքյան էջում գրել է Սենոր Հասրաթյանը: