Norwegian Air Shuttle նորվեգական ավիաընկերությունը ներկայացրել է նոր սակագին՝ հուլիսի կեսերից սկսած՝ տրանսատլանտյան չվերթները կառաջարկվեն 65 դոլարով մեկ ուղղությամբ։
Այդ գնով հնարավոր կլինի Բելֆասթից ու էդինբուրգից Նյու Յորք ու Բոսթոն թռչել, հայտնում է Reuters.ը։
Ընդ որում 65 դոլարը նման չվերթի ամենաէժան տոմսի գինն է։ Իսկ սովորական տոմսը կարժենա 99 դոլար։
Հիմա Դուբլինից Նյու Յորք չվերթի տոմսի գինը 655-ից 2755 դոլար է։
Ընկերությունը սակայն այդպես էլ չի բացատրել թե ինչի հաշվին է նվազեցնում տոմսերի գները։
ԱՄՆ-ում Norwegian Air Shuttle–ի աշխատանքն արդեն մի քանի տարի է առաջացնում է ամերիկյան ընկերությունների դժգոհությունը, որոնք նորվեգացիներին մեղադրում են դեմփինգի մեջ։