Google-ի եւ Uber-ի հետ կապված ընկերությունները կարող են դատարանում հանդիպել՝ անվարորդ մեքենայի տեխնոլոգիան հափշտակելու մեղադրանքների պատճառով: Այս մասին հաղորդում է BBC-ին:
Google-ի հետ կապված Waymo ընկերությունը Սան Ֆրանցիսկոյի դատարան հայց է ներկայացրել Uber-ի դուստր ձեռնարկություն Otto-ի դեմ:
Waymo-ն Otto-ին մեղադրում է գաղտնի փաստաթղթեր եւ մշակումներ պարունակող 14 հազար նյութ գողանալու մեջ: Խոսքը, մասնավորապես, անվարորդ մեքենայի սենսորային համակարգի մասին է:
Հայցվորի վարկածով՝ տվյալները հափշտակել է Էնթոնի Լեւանդովսկին, որը Google-ում անվարորդ մեքենայի նախագծի ղեկավարներից էր, իսկ հետո դարձել է Otto ընկերության համահիմնադիրը:
