Փետրվարի 23-ին ներքին անձնագրերով Հայաստանի Հանրապետություն են ժամանել Ռուսաստանի Դաշնության առաջին քաղաքացիները։
Այս առնչությամբ, Քաղաքացիական ավիացիայի գլխավոր վարչության մամուլի խոսնակ Սաթենիկ Հովհաննիսյանը Facebook-ի իր էջում գրել է.
«Որոշման ընդունման օրն իսկ «Զվարթնոց» օդանավակայան է ժամանել ներքին անձնագրերով 20 ՌԴ քաղաքացի, իսկ «Շիրակ» օդանավակայան՝ 7 քաղաքացի։
ՌԴ քաղաքացիների ներքին անձնագրերով մուտքը ևս կնպաստի ուղևորահոսքի ավելացմանը, զբոսաշրջության զարգացմանը և տնտեսության աճին»:
Ավելի վաղ NEWS.am_ը հայտնել էր, որ օրերս Հայաստանի եւ Ռուսաստանի վարչապետերի՝ Մոսկվայում կայացած բանակցությունների արդյունքում համաձայնություն էր ձեռք բերվել, որի համաձայն՝ փետրվարի 23-ից ՌԴ քաղաքացիները կարող են Հայաստան ժամանել ներքին անձնագրերով:
Հիշեցնենք, որ Վրաստանը ՌԴ քաղաքացիներին չի ընդունում ներքին անձնագրերով, այսինքն՝ Ռուսաստանի քաղաքացիները ցամաքային ճանապարհով Հայաստան հասնել չեն կարողանա:
