ԱՄՆ փոխնախագահ Մայք Փենսը պահպանողականներին վստահեցրել է, որ Դոնալդ Թրամփի վարչակազմը «կատարելու է խոստումները»: «Ամերիկայի ձայն»-ի փոխանցմամբ՝ այս մասին նա հայտարարել է Պահպանողական քաղաքական շարժումների համաժողովի ժամանակ:
Համաժողովի մասնակիցներն ուրախ տրամադրությամբ են հավաքվել, քանի որ հանրապետականները վերջին 10 տարվա ընթացքում առաջին անգամ կարողացել են իրենց վերահսկողության տակ վերցնել ե՛ւ Սպիտակ տունը, ե՛ւ Կոնգրեսի երկու պալատները:
Փենսը վստահեցրել է, որ նախագահ Թրամփը «հստակ համոզմունքներ, հեռատեսություն եւ քաջություն» ունի, եւ արդեն սկսել է իրականացնել նախընտրական արշավի ժամանակ ամերիկացիներին տված խոստումները: