News
Լրահոս
News
Հինգշաբթի
Մարտ 28
Տեսնել լրահոսը

Մենք չենք կարող պաշտպանել որեւէ մեկին, որ Հայոց բանակի, հայ զինվորի սնունդից, սպառազինությունից է գողացել: Այս մասին Լոս Անջելեսում լույս տեսնող «Ասպարեզ»  թերթում գրել է դաշնակցական թերթի խմբագիր, ՀՅԴ անդամ Աբո Պողիկյանը:

Նա, մասնավորապես, նշել է.

«Ապրիլյան քառօրյա պատերազմից հետո, երբ հայտնի դարձավ, որ բանակի պատասխանատուների վերին օղակում կան սեփական գրպանի հարստացման համար հայկական զինված ուժերի միջոցներից չարաշահումներ կատարող պաշտոնատարներ, համատարած զայրույթի ալիքին մե՛նք էլ միացրինք մեր պահանջը՝ խստագույնս պատժելու բոլոր հանցագործներին:

Մի քանի բարձրաստիճան զինվորականներ պաշտոնաթող լինելուց հետո, այս մասին որեւէ լուրջ տեղեկատվություն մինչ օրս չի հրապարակվել: Այս երկար լռությունից հետո, ահավասի՛կ լուրեր են շրջում, թե Արցախի եւ Հայաստանի մեջ քննություն է բացվել պաշտպանության նախկին նախարար Սեյրան Օհանյանի դեմ:

Պաշտպանության նախարար Վիգեն Սարգսյանի անդրադարձը այս հարցին հուշում է, որ նախկին նախարարը, այժմ՝ Վարդան Օսկանյանի եւ Րաֆֆի Հովհաննիսյանի հետ ընտրական դաշինքով Ազգային ժողովի ընտրություններուն մասնակցող Սեյրան Օհանյանը, կարող է մոտ ապագայում քրեական հետապնդման ենթարկվել:

Մենք չենք կարող պաշտպանել որեւէ մեկին, որ Հայոց բանակի, հայ զինվորի սնունդից, սպառազինությունից է գողացել: Սակայն մեզ համար հարցական է մնում այն, որ եթե նախկին նախարարն անձամբ պատասխանատվություն է ունեցել այս հանցագործության մեջ, ապա ինչո՞ւ այսքան ժամանակ այդ մասին որեւէ խոսք չի եղել:

Հավանական է, անշո՛ւշտ, որ դատախազությունն առաջին իսկ օրից լծված է նախարարի պատասխանատվությունը վեր հանելու աշխատանքին, ու պարզապես ավելի ուժեղ ապացույցներ հավաքելու ջանադրությունն է պատճառը, որ մինչ օրս լռություն է պահպանել:

Այսուհանդերձ, մտահոգիչ ենք համարում այս տխուր պատմության դրսեւորումը ա՛յս պահին, Ազգային ժողովի նախընտրական պայքարի օրերին, որովհետեւ, ուզենք թե չուզենք, իշխանության կողմից առնված այս քայլը ստվեր է նետելու ընտրական գործընթացի վրա»:

Տպել
Կարդացեք նաև
Ամբողջը
Մեկից ավելի անգամ քվեարկելու փորձ կատարած քաղաքացին դատապարտվել է 2 տարվա ազատազրկման
Նախաքննությամբ ձեռք բերված փաստերի համակցությամբ հիմնավորվել է, որ 2017թ. ապրիլի 2-ին ՀՀ Ազգային ժողովի ընտրություններին մասնակցելու նպատակով քաղաքացի Հովհաննես Ղազարյանն այցելել է...
Ինչո՞ւ չի պատժվել Արտակ Սարգսյանի եղբայրը. պարզվում է՝ օրենքը նրա օգտին է եղել, որն այժմ փոխում են
Աշխատակիցներին այս կամ այն քաղաքական ուժի օգտին քարոզչություն պարտադրելու երեւույթը…
«ՍԱՍ»-ի ձայնագրության մեջ Արտակ Սարգսյանի եղբայրն է եղել, նրան եւս հարցաքննել են. Արթուր Դավթյան (ֆոտոռեպորտաժ)
Երբ աշխատողին ասում ես, որ եթե դու այս կամ անձին չընտրես, աշխատանքից կազատվես, դա նշածս հանցակազմի հատկանիշներն իր մեջ չի պարունակում...
ԵԱՀԿ/ԺՀՄԻԳ-ը ներկայացրել է Հայաստանի խորհրդարանական ընտրությունների մասին ամփոփիչ զեկույց
Զեկույցի եզրակացություններն ու հանձնարարականներն ուսումնասիրվել են ԱԺ, ԿԸՀ, քաղաքական կուսակցությունների, պետական մարմինների…
Սերժ Սարգսյան. Հայաստանում 2017-ի խորհրդարանական ընտրություններն աննախադեպ թափանցիկ էին
Միայն միմյանց լսելով եւ հասկանալով՝ կկարողանանք հասնել մեզ համար կարեւոր խնդիրների միասնական օրակարգին...
«ՍԱՍ»-ի ձայնագրության փաստով հարուցված քրգործը կարճվեց
Վարողը եղել է «ՍԱՍ»-ի սեփականատեր, ԱԺ պատգամավոր Արտակ Սարգսյանի եղբայրը՝ Արամ Սարգսյանը...
Ամենաշատ