Արդարադատության նախարարը Հանրապետական կուսակցության խորհրդարանի պատգամավորի թեկնածուների համապետական ընտրացուցակի առաջին եռյակում է, սակայն դա չի անդրադառնա քրեակատարողական հաստատություններում քվեարկության վրա: Այս մասին փետրվարի 24-ին՝ խորհրդարանում լրագրողներին ասաց արդարադատության փոխնախարար Սուրեն Քրմոյանը:
Նրա հավաստիացմամբ՝ բանտային հաստատություններում, ինչպես մյուս ցանկացած ընտրատեղամասում, քվեարկությունը կանցկացվի ընտրության գաղտնիության պահպանմամբ: «Իսկ պետական պաշտոնյաները, այդ թվում՝ երկրի բարձրագույն ղեկավարությունը, միշտ էլ ընդգրկվել են համամասնական ցուցակում, սակայն ընտրությունների արդարության վերահսկողությունը դրանից չի նվազել»,- հավելեց Քրմոյանը: