Porsche ավտոընկերությունը ծրագրել է ամռանը վաճառահանել Panamera Turbo S E-Hybrid ավտոմեքենան, որն իր դասի ամենահզոր մեքենան կլինի, հայտնում է Oane-ը:
Նոր Porsche Panamera Turbo S E-Hybrid-ը կունենա բավական հզոր ուժային ագրեգատ, որը հիբրիդային կլինի: Մարտկոցը մոտ 5 ժամում կլիցքավորվի կենցաղային վարդակից, իսկ հատուկ լիցքավորող սարք օգտագործելու դեպքում այս ժամանակը 2 անգամ կկրճատվի:
Շարժիչը կունենա 4 լիտր ծավալ: Ուժային սարքը կլինի V-աձեւ եւ 8-գլանանի: Ավտոմեքենան մինչեւ ժամում 100 կմ կզարգացնի 3,4 վայրկյանում, իսկ առավելագույն արագությունը կհասնի 310 կմ/ժամի:
Porsche-ից հայտնել են, որ Panamera Turbo S E-Hybrid-ը 2 տարբերակով կթողարկվի: Արդեն հայտնի է այս նորույթի գինը՝ 185 հազար դոլար: Մեքենան ավտոշուկա կհանվի արդեն այս ամռանը: