News
Լրահոս
News
Երկուշաբթի
Հուլիս 23
Տեսնել լրահոսը

Անցել է երկու տարի, բայց երեւանցիները դեռ չեն մոռանում Խորեն Հովհաննիսյանի ամյա հոբելյանին նվիրված մեծ ֆուտբոլային տոնը, որին մասնակցեցին համաշխարհային ֆուտբոլի աստղերը: Այդ տոնը երեւանցիներին պարգեւեց մոսկվայաբնակ գործարար, ֆուտբոլի մեծ սիրահար Արթուր Սողոմոնյանը: Արդյոք պատրաստվո՞ւմ է մոտ ապագայում նմանատիպ միջոցառումներ կազմակերպել Հայաստանում, հանդիսանո՞ւմ էր նա «Միկա» ակումբի բաժնետեր, պատրաստվո՞ւմ է նպաստել հայկական ֆուտբոլի զարգացմանը, այս ամենի մասին գործարարը պատմեց NEWS.am-իթղթակից Վերա Մարտիրոսյանի հետ զրույցում:

Պարոն Սողոմոնյան, Երեւանը դեռ չի մոռանում Խորեն Հովհաննիսյանի հոբելյանը: Կարելի է վստահ ասել, որ մենք սպասում ենք ֆուտբոլային նոր տոների: Պատրաստվո՞ւմ եք մոտ ապագայում կազմակերպել նոր միջոցառումներ:

Իմ սերը ֆուտբոլի հանդեպ չի կորել: Պակաս չեմ սիրում նաեւ Հայաստանը: Վստահ կարող եմ ասել, որ Խորեն Հովհաննիսյանի հոբելյանը վերջին ֆուտբոլային տոնը չի լինի Հայաստանում: Առաջիկա մեկ-երկու տարում պատրաստվում ենք եւս մեկ մեծ միջոցառում անցկացնել:

Այժմ ես ավելի շատ փորձում եմ օգնել Հայաստանի մանկական ֆուտբոլին: Մենք Մխիթարյանի օրինակի վրա տեսնում ենք, որ չնայած փոքր ազգ ենք, աշխարհին միշտ տաղանդներ ենք տվել: Ֆուտբոլը մեր արյան մեջ է: Պատահական չէ, որ ԽՍՀՄ ժամանակաշրջանում «Արարատն» ու «Դինամոն» ամենահարուստ տեխնիկապես զարգացած ֆուտբոլն էին ցուցադրում: Ես ուզում եմ օգտակար լինել հայկական ֆուտբոլին: Մենք կապ ենք պահում «Բարսելոնայի» ու «Միլանի» դպրոցների հետ: Եկող տարվանից ՖԻՖԱ-ն սկսում է նոր ծրագիր՝ մանկական սպորտային ակադեմիաների ստեղծում տարբեր երկրներում: Այն համակարգելու է հանրահայտ ֆուտբոլիստ Զվոնիմիր Բոբանը, ով եկել էր Հայաստան 2015–ին: Մենք այդ ծրագրի մեջ ենք ներառել նաեւ Հայաստանը: Մեր նպատակն է, որ մեր երկրում ֆուտբոլի հանդեպ հետաքրքրությունը չպակասի: Մենք ուզում ենք հնարավորություն տալ փոքրիկներին, որոնք ցանկանում են նմանվել Մխիթարյանին, բայց հնարավորություն չունեն:

Ինչ վերաբերում է վետերաններին… մենք արդեն ունենք ծրագրեր, երբ հստակություն լինի կհայտնենք: Մենք շատ տաղանդավոր հայ ֆուտբոլիստներ ունենք, ում հոբելյանը պետք է նշել: Նախորդ տարի Նիկիտա Սիմոնյանի 90-ամյակն էր: 15  տարի առաջ ես նրա 75-ամյակը նշեցի Երեւանում: Շատ հուզիչ էր: «Հրազդան» ստադիոնը գրեթե լցվել էր: Անձրեւ էր գալիս, բայց մարդիկ եկել էին: Սիմոնյանը զգում էր, թե որքան շատ են իրեն սիրում հայերը: Նա անգամ հուզվեց: Բայց այս տարի չցանկացավ նշել: Առողջական խնդիրներից եւ այլ պատճառներից ելնելով: Բայց մենք այլ ֆուտբոլիստներ էլ ունենք, ում հոբելյանը պետք է նշենք: Բացի այդ դա լավ տոն է քաղաքի համար: Մարդիկ ցրվում են հոգսերից ու վայելում ֆուտբոլը:

Հունիսին Դուք կազմակերպել եք Նիսի ողբերգության տարելիցին նվիրված խաղ, որին կմասնակցեն համաշխարհային աստղերը:

Ես այդ հանդիպման մասնակիցներից եմ, բայց ոչ կազմակերպիչը: Այդ խաղը նվիրված է լինելու Նիսի ողբերգության տարելիցին: Բոլոր միջոցները կգնան զոհվածների ընտանիքների օգնությանը: Այդ խաղին կմասնակցեն Ֆրանսիայի ու Իտալիայի առաջին մեծության աստղերը: Ֆրանսիայի թիմի ավագը լինելու է Զիդանը: Չնայած զբաղվածությանը, նա արդեն իր համաձայնությունն է տվել:  Իտալիայի թիմի ավագը, ամենայն հավանականությամբ, կլինի Մալդինին:  Կարծում եմ՝ լավ խաղ է սպասում:

Նախորդ տարի Դուք սկսեցիք օգնել «Միկա» ֆուտբոլային ակումբին, բայց երբ նրանք պարտվեցին Գավաթի եզրափակչում, չշարունակեցիք համագործակցությունը: Կարծիք կա, որ եթե թիմը չպարտվեր Գավաթում, այն չէր դադարի իր գոյությունը եւ Դուք գուցե մնայիք:

Ֆուտբոլում ինչպես հաճախ կյանքում է լինում, կեղծ լուրեր են շրջանառվում: Ես զրուցել էի Միկայի սեփականատեր Միխայիլ Բաղդասարովի հետ: Սկսեցի օգնել թիմին: Ես ոչ ֆուտբոլային չինովնիկ եմ ոչ էլ ադմինիստրատոր: Ես կողքից էի օգնում:  Միկան լուրջ խնդիրներ ուներ, ոչ միայն ֆինանսական տեսանկյունից: Ես փորձեցի օգնել, բայց նրանք հասկացան, որ առաջվա պես աշխատել այլեւս չեն կարող եւ Բաղդասարովը որոշեց, որ թիմը այլեւս չի մասնակցի առաջնությանը: Ես թիմի բաժնետեր չեմ հանդիսացել: Մենք Խորեն Հովհաննիսյանի հետ փորձում էինք օգնել: Հրավիրեցինք Սերգեյ Յուրանին, թիմը դուրս եկավ Գավաթի եզրափակիչ, բայց «Բանանցն» ավելի ուժեղ գտնվեց: Իմ շարժառիթը նրանում է, որ «Միկան» ունի մանկական դպրոց: Հասկանում եմ որ պրոֆեսիոնալ սպորտը շատ կարեւոր է, բայց նրանով պետք է պրոֆեսիոնալ զբաղվել: Իսկ ես զբաղվածությանս պատճառով չեմ կարող: Ինչքան գիտեմ «Միկայի» դպրոցում դեռ աշխատում են մարզիչներ, ովքեր փորձում են փրկել թիմը: Մյուս այցիս ժամանակ պլանավորում եմ այցելել այնտեղ ու տեսնել՝ ինչ կարելի է անել:

Իսկ «Միկա» թիմի հետ այլեւս չե՞ք աշխատի:

Այն եզրափակչից հետո գործ չեմ ունեցել: Բաղդասարովի հետ էլ չենք շփվել: Հայաստանում ակումբ ունենլու համար, պետք է հասկանալ, որ դա շահութաբեր գործ չէ: Հուսամ՝ Հայաստանում գնալով ամեն բան ավելի լավ կլինի: Գիտեմ, որ կան ռուսաստանաբնակ գործարարներ, ովքեր պատրաստ են գումար ներդնել հայկական ֆուտբոլի մեջ: Շատ ուրախացնում է Ջեւան Չելոյանցի աշխատանքը «Բանանցում»: Նա վերստեղծեց «Բանանցի» դպրոցը: Որքան գիտեմ, նա թիմի հետ կապված լուրջ եւ ամբիցիոզ ծրագրեր ունի: Շատ ուրախ եմ, որ կան այդպիսի հայեր, ովքեր չեն մոռանում իրենց արմատները եւ օգնում են հայկական ֆուտբոլին: Բայց ես նման պլաններ չունեմ: Ինձ համար դա ավելի շատ հոբբի է, այլ ոչ թե պրոֆեսիոնալ զբաղմունք:

Վերա Մարտիրոսյան

!
Այս նյութը հասանելի է նաև   Русский
Տպել
Կարդացեք նաև
Ամբողջը
Լեգենդար Բատիստուտան՝ հայկական Վարդավառի եւ կովեր պահելու մասին (Ֆոտո)
Բատիստուտան պատմել է, որ այլեւս ֆուտբոլով չի զբաղվում․․․
Լեգենդների հանդիպմանը կնախորդեն մի շարք միջոցառումներ, այդ թվում համերգներ, վարպետության դասեր
Հիշեցնենք, որ բացի Լեգենդների խաղից, հուլիսի 6-8-ին առաջին անգամ Երեւանի պատմության մեջ կստեղծվի ֆան-գոտի, որը «Ազատության հրապարակում կընդունի բոլոր երկրպագուներին...
Նիկիտա Սիմոնյանը Մարադոնայի մեծահոգության, Ռուսաստանի հավաքականի «սխրանքի» եւ չեմպիոնի կոչման նոր հավակնորդների մասին
Չեմ ուզում անհամեստ լինել, բայց ինձ համար «ամենա»-ն այն առաջնությունն էր, որտեղ ես էի խաղում...
Երեւան կժամանի աշխարհահռչակ ֆուտբոլիստ Ռոբերտո Կարլոսը
Լատինական Ամերիկայի եւ Եվրոպայի վետերան ֆուտբոլիստներից կազմված հավաքականների Երեւանում կայանալիք հանդիպմանը կմասնակցեն այնպիսի լեգենդներ, ինչպիսիք են...
Բացառիկ հնարավորություն լեգենդի հետ լուսանկարվելու համար, ինչպես նաեւ շահելու Լեգենդների խաղի տոմս
Խաղարկությունը կացկացվի ամեն օր fcyerevan.com կայքում...
Լեգենդար Չավին՝ հայկական գինու, Մեսսիի ու իր երազանքների մասին (ֆոտո)
Մեկ խաղացողի անուն տալը բարդ է, քանի որ «Բարսելոնան» ավելի ուժեղ դարձնելու համար պետք է ֆենոմենալ հատկանիշներ ունենալ․․․
Ամենաշատ
Partner news