Թուրքիայի ընդդիմադիր «Ժողովրդահանրապետական» (CHP) կուսակցության պատգամավոր Թունջայ Օզքանը հայտնել է, որ քուրդ զինյալները Դիարբեքիրի մոտ F-16 կործանիչ են ոչնչացրել։

Թուրքական Sol պարբերականի փոխանցմամբ՝  CHP–ի պատգամավոր Թունջազ Օզքանը նշել է, թե քուրդ զինյալները Հյուսիսային Իրաքի Քանդիլի լեռներից տեղափոխվել են Սինջար, որտեղ նրանք ստեղծել են 9 ճամբար։ «Այդ ճամբարներում տանկ կա, թեթեւ զրահապատ մեքենաներ կան, օդանավեր ու ուղղաթիռներ խոցող ջերմային հրթիռներ կան։ Նրանք այժմ ուղղաթիռից բացի կարող են նաեւ օդանավ ոչնչացնել։ Դիարբեքիրում F-16 կործանիչ էր ընկել։ Այն ոչնչացրել էին հենց քուրդ զինյալներ ջերմային հրթիռներով»,–ասել է թուրք պատգամավորը։