Հայաստանի ԿԲ-ն կհետաձգի կոմերցիոն բանկերի համար «Բազել 3» ֆիքսված նորմատիվներով օրինագիծը։ Այս մասին փետրվարի 24-ին ԱԺ-ում, ֆինանսավարկային ու բյուջետային հարցերով հանձնաժողովի նիստին հայտնել է ԿԲ փոխնախագահ Ներսես Երիցյանը՝ մեկնաբանելով «Բանկերի ու բանկային գործունեության մասին» օրենքում փոփոխությունների նախագիծը։ Հետաձգումն անհրաժեշտ է մի շարք տեխնիկական դետալների պատճառով, պարզաբանել է նա։
Նկատենք, որ օրինագիծը հաստատում է Հայաստանի համար նոր բանկային նորմատիվ՝ լեւերեջի սահմանային մակարդակը (կապիտալի հարաբերակցությունը նեգրավվող ակտիվների հանդեպ)։ Բացի դրանից եթե հիմա հիմնական նորմատիվները (կապիտալի ադեկվատության, լիկվիդության եւ այլն) պարտադիր են բոլոր բանկերի համար, ապա այս օրինագծով ԿԲ-ին առաջարկվում է թույլատրել առանձին բանկերի համար ավելի բարձր կամ ցածրնորմատիվների սահմանումը։ Նորմատիվներից բացի առաջարկվում է սահմանել անվտանգության եւս մեկ մակարդակ՝ ռեզերվներ (բուֆերներ) դրանք կատարման համար։ Եթե բանկը չպահի այդ ռեզերվները, եկամուտը բաշխելու նրա իրավունքը կսահմանափակվի։