BBC հեռարձակող կորպորացիան մտահոգություն է հայտնել այն հաղորդագրությունների կապակցությամբ, ըստ որոնց Գերմանիայի արտաքին հետախուզությունը լրտեսել է օտարերկրյա լրագրողներին ու խմբագրություններին։
Ավելի վաղ Spiegel պարբերականը հայտնել էր, որ Գերմանիայի դաշնային հետախուզական ծառայությունը տարիներ շարունակ լրտեսել է օտարերկրյա լրագրողներին ու գաղտնալսել նրանց հեռախոսազրույցները։ Գաղտնալսվել են այդ թվում BBC–ի ավելի քան տասնյակ աշխատակիցներ Լոնդոնում ու Աֆղանստանում։
«BBC-ի առաքելությունն է աշխարհի մարդկանց ճշգրիտ նորություններ ու տեղեկություններ հաղորդել, իսկ մեր լրագրողները պետք է կարողանան գործել ազատ ու առանց ռիսկի՝ ապահովելով իրենց աղբյուրների պաշտպանությունը։ Մենք կառավարություններին կոչ ենք անում հարգել ազատ մամուլի աշխատանքը»,- ասվում է BBC-ի հայտարարության մեջ։
BBC-ն Գերմանիայի արտաքին հետախուզության ծառայությունից բացատրություններ է պահանջել, բայց դեռ պատասխան չի ստացել։
Ըստ Spiegel –ի, գաղտնալսվել են նաեւ «Ռոյթեր» գործակալության ու ամերիկյան New York Times թերթի մի շարք աշխատակիցների հեռախոսազանգերը