Իրանի եւ Ռուսաստանի իշխանությունները հավանություն են տվել միջուկային վառելիքի համատեղ արտադրության «ճանապարհային քարտեզին», հայտարարել է Իրանի փոխնախագահ, Իրանի ատոմային էներգետիկայի կազմակերպության ղեկավար Ալի Աքբար Սալեհին, փոխանցում է «ՌԻԱ Նովոստի»-ն:
Նրա խոսքով՝ վառելիքի համատեղ արտադրության հարցը եղել է միջուկային հարցով բանակացությունների շրջանակներում քննարկվող «առավել օգտակար դրույթներից մեկը»: «Մենք ասել ենք, որ այս ասպարեզում Ռուսաստանի օգնության կարիքն ունենք»,- ISNA-ի հետ հարցազրույցում հայտնել է Սալեհին:
Նա նշել է, որ հաջողվել է համաձայնության գալ Ռուսաստանի կողմից խորհրդատվության հարցում: «Այսպիսով, երկարատեւ եւ ինտենսիվ բանակցություններից հետո, որոնք ավելի քան 2 տարի են տեւել, մեր փոխըմբռնումը հանգեցրել է «ճանապարհային քարտեզին»,- հայտարարել է Սալեհին:
