Անգելա Մերկելը ձայների ճնշող մեծամասնությամբ Մեկլենբուրգ-Առաջնային Պոմերանիա դաշնային հողերում ընտրվել է Քրիստոնեա-դեմոկրատական միության (ՔԴՄ) նախընտրական ցուցակի առաջնորդ: Փետրվարի 25-ին կանցլերի եւ ՔԴՄ նախագահի օգտին քվեարկել է պատվիրակների 95 տոկոսը: Այս մասին հայտնում է DW-ն:
Հենց դաշնային այս հողերում է գտնվում Անգելա Մերկելի ընտրական տարածքը: Անգելա Մերկելն առաջին անգամ Բունդեսթագի ընտրություններին մասնակցել է 1990 թվականին, երբ այս տարածքի վրա է տարածվել Գերմանիայի ընտրական համակարգը: 2017-ի ընտրությունները այս տարածքում կլինեն նրա 8-րդ ընտրարշավը:
