Ղարաբաղյան հիմնախնդրում վերջին խոսքը Ստեփանակերտինը պետք է լինի: Փետրվարի 25-ին «Օհանյան-Րաֆֆի-Օսկանյան» դաշինքի առաջին համագումարում ունեցած ելույթում այս մասին հայտարարեց Հայաստանի պաշտպանության նախկին նախարար Սեյրան Օհանյանը:
Նրա խոսքով՝ հայերն ու ադրբեջանցիներն ապրել եւ ապրելու են միմյանց հարեւանությամբ:
«Բայց հարկավոր է մի քանի հարց լուծել. պահպանել անվտանգության հավասարակշռությունը, խրախուսել ժողովրդական դիվանագիտությունը՝ վստահության մթնոլորտ ձեւավորելու համար: Չպետք է հաղթողներ եւ պարտվողներ կամ միակողմանի զիջումներ լինեն»,- ընդգծեց Սեյրան Օհանյանը:
Անկասկած, ըստ Օհանյանի, կարեւոր դեր են խաղում Մոսկվան, Վաշինգտոնը, Փարիզը (ԵԱՀԿ ՄԽ համանախագահ երկրները - խմբ.): «Բայց վերջին խոսքը պետք է Ստեփանակերտինը լինի: Խնդրի լուծման հիմքում պետք է Լեռնային Ղարաբաղի ժողովրդի ինքնորոշման 25-ամյա իրականությունը լինի»,- ամփոփե Սեյրան Օհանյանը:
